176 REGISTRES

que la nature peult produire, et pour telle diversité l'œuvre en estoit infiniment plus belle. Leurs bases ct chappileaulx representoyent le bronze, suyvant la maniere de plusieurs antiques, chose qui leur donnoit un très grant aornement. Par dessus regnoyent l'architrave, la frize et la cornice, de proportions bien observées. Dessus le plan de ce portique, y avoit une Lutece representant une nouvelle Pandora, vestue en nymphe, les cheveulx espars sur ses espaulles et au demourant tressez alentour de sa teste d'une merveilleusement bonne grace, elle agenouillée d'un genouil comme pour faire honneur au Roy, à sa reception, et faisant contenance d'ouvrir, de l'une de ses mains, ung vase antique seullement remply de tous les heureux presens des puissances celestes, non des infortunez qui furent jadis mis en l'urne de Vulcan, et tenant l'autre main levée en l'air, comme pour rendre la Majesté Royalle attentive à son dire, qui estoit ung quatrin escript en lectre d'or sur ung fons noir, contenant ces parolles :

Jadis cuacun des Dieux feit un double present

A LA FILLE VULCAN, QUI s'en NOMMA PANDORE.

Mais, Sire, chacun d'eulx de tous biens me décore Et puis qu'a vous je suis, tout est vostre à present.

Ce tableau estoit affiché dessus le plan d'un es-cailler par où l'on montoit, au moins pensoit on monter, audict portique, tant il estoit bien ordonné et les traietz naïfvement menez par practique de perspective, mesmes le jour et l'umbre en furent si bien couschez à l'imitacion du naturel qu'il n'est pas possible de myeulx. Et quant à la maçonnerie estant sur led. escaillier, il n'y avoit coing de base ni de chappiteau, lequel ne se rapportast au vray poinct du niylieu; au moyen de quoy se renfondroyent et relevoyent les membres par si grande apparence que mesmes plusieurs ouvriers expertz eussent jugé qu'il y avoit grande séparation entre la figure et le bastiment, en la frize duquel estoit escript en lectre d'or sur fons d'azur :

SoSPES TE S0SP1TE VIVAM.

Et en ung tableau fainct de relief au dessus de la teste de celte Pandora, y avoit aussi en lectre d'or:

LuTETIA NOVA PANDORA.

Aux colonnes de ce portique pendoyent de beaulx festons de verdure, où estoyent attachées les armes du Roy et de la Royne, environnées de chappeaulx de triumphe, dont la disposition du fueillaige, ému- ,

DU BUREAU [i5-j₉]

lateur de la nature, donnoit ung souverain plaisir à tous entendans et se deleclans en l'art de Zeusis. Encores pour myeulx persuader que tout l'ouvraige estoit massif, celuy qui en feit l'ordonnance, dressa au dessus de la cornice une gallerie hypethricque ou à descouvert, percée à jour, laquelle mectoit beaucoup de gens en doubte, à raison qu'ilz po-voyent veoir l'air commun à travers, chose qui grandement aydoit à l'artifice.

Quant le Roy eut quelque peu de temps arresté devant led. portique, pour ce que la presse estoit grande au carreffourde la Boucherie de Paris, où il failloit tourner pour aller sur le pont Nostre Dame, Sa Majesté se remeisl en chemyn et, en allant tout le petit pas, arriva sur le bout d'icelluy pont, où estoit un arc triumphal de l'ordre composé, contenant quatre toises de large, en ce comprins les pyles, dont l'ouverture du mylieu avoit unze piedz de dya-melre, soubz vingt deux dc hault et une bonne toise d'espoisseur, dont le berceau fut enrichy d'un compartiment d'argent embouly sur fons noir, qui sont les royalles couleurs, lesquelles luy donnoyent grant lustre. Dessus la circonférence du demy rond regnoit ung architrave avec sa frize aornée de gros bouillons de fleurs, et sa cornice dc moulures convenables à sa mode, cinqiesme en l'ordre des bastimens. Sur le plan de laquelle estoit dressé ung plinthe bas, respondant à nyveau du mi de l'arc, où se povoit veoir debout ung Tiphis de dix piedz en stature, dont Ie visaige approchoit fort des lineamens physiono-miques du Roy triumphateur, et tant bien formé de tous membres que Phidias et Praxileles n'y eussent trouvé à redire. Mais pour couvrir la partie secrète, il avoit ung floccard de lyerre ceinct au dessus de ses hanches, et faisant proprement l'effect pourquoy il y fut applicqué. En ses deux mains il lenoit ung grant mast de navire, garny de hune et d'un grant voille de tafetas rayé d'argent, dont la lueur estoit bien fort plaisante.

A sa dextre y avoit ung Castor argenté, et à sa senestre ung Pollux tout noir, plus grans que le naturel, et toutesfois semblans petitz auprès de sa grant corpulence. Le Castor tenoit en l'une de ses mains une grande estoille noire, et le Pollux une d'argent, pour designer l'immortalité ou renouvellement de vye; et aux deux autres, tenoyent chascun son ancre, signiffiant asseurance en navigacion. Dedens quatre niches faictes exprès, assavoir deux dc chascun costé contre la principalle face de cest arc et



	176 REGISTRES que la nature peult produire, et pour telle diversité l'œuvre en estoit infiniment plus belle. Leurs bases ct chappileaulx representoyent le bronze, suyvant la maniere de plusieurs antiques, chose qui leur donnoit un très grant aornement. Par dessus regnoyent l'architrave, la frize et la cornice, de proportions bien observées. Dessus le plan de ce portique, y avoit une Lutece representant une nouvelle Pandora, vestue en nymphe, les cheveulx espars sur ses espaulles et au demourant tressez alentour de sa teste d'une merveilleusement bonne grace, elle agenouillée d'un genouil comme pour faire honneur au Roy, à sa reception, et faisant contenance d'ouvrir, de l'une de ses mains, ung vase antique seullement remply de tous les heureux presens des puissances celestes, non des infortunez qui furent jadis mis en l'urne de Vulcan, et tenant l'autre main levée en l'air, comme pour rendre la Majesté Royalle attentive à son dire, qui estoit ung quatrin escript en lectre d'or sur ung fons noir, contenant ces parolles : Jadis cuacun des Dieux feit un double present A LA FILLE VULCAN, QUI s'en NOMMA PANDORE. Mais, Sire, chacun d'eulx de tous biens me décore Et puis qu'a vous je suis, tout est vostre à present. Ce tableau estoit affiché dessus le plan d'un es-cailler par où l'on montoit, au moins pensoit on monter, audict portique, tant il estoit bien ordonné et les traietz naïfvement menez par practique de perspective, mesmes le jour et l'umbre en furent si bien couschez à l'imitacion du naturel qu'il n'est pas possible de myeulx. Et quant à la maçonnerie estant sur led. escaillier, il n'y avoit coing de base ni de chappiteau, lequel ne se rapportast au vray poinct du niylieu; au moyen de quoy se renfondroyent et relevoyent les membres par si grande apparence que mesmes plusieurs ouvriers expertz eussent jugé qu'il y avoit grande séparation entre la figure et le bastiment, en la frize duquel estoit escript en lectre d'or sur fons d'azur : SoSPES TE S0SP1TE VIVAM. Et en ung tableau fainct de relief au dessus de la teste de celte Pandora, y avoit aussi en lectre d'or: LuTETIA NOVA PANDORA. Aux colonnes de ce portique pendoyent de beaulx festons de verdure, où estoyent attachées les armes du Roy et de la Royne, environnées de chappeaulx de triumphe, dont la disposition du fueillaige, ému- ,	DU BUREAU [i5-j₉] lateur de la nature, donnoit ung souverain plaisir à tous entendans et se deleclans en l'art de Zeusis. Encores pour myeulx persuader que tout l'ouvraige estoit massif, celuy qui en feit l'ordonnance, dressa au dessus de la cornice une gallerie hypethricque ou à descouvert, percée à jour, laquelle mectoit beaucoup de gens en doubte, à raison qu'ilz po-voyent veoir l'air commun à travers, chose qui grandement aydoit à l'artifice. Quant le Roy eut quelque peu de temps arresté devant led. portique, pour ce que la presse estoit grande au carreffourde la Boucherie de Paris, où il failloit tourner pour aller sur le pont Nostre Dame, Sa Majesté se remeisl en chemyn et, en allant tout le petit pas, arriva sur le bout d'icelluy pont, où estoit un arc triumphal de l'ordre composé, contenant quatre toises de large, en ce comprins les pyles, dont l'ouverture du mylieu avoit unze piedz de dya-melre, soubz vingt deux dc hault et une bonne toise d'espoisseur, dont le berceau fut enrichy d'un compartiment d'argent embouly sur fons noir, qui sont les royalles couleurs, lesquelles luy donnoyent grant lustre. Dessus la circonférence du demy rond regnoit ung architrave avec sa frize aornée de gros bouillons de fleurs, et sa cornice dc moulures convenables à sa mode, cinqiesme en l'ordre des bastimens. Sur le plan de laquelle estoit dressé ung plinthe bas, respondant à nyveau du mi de l'arc, où se povoit veoir debout ung Tiphis de dix piedz en stature, dont Ie visaige approchoit fort des lineamens physiono-miques du Roy triumphateur, et tant bien formé de tous membres que Phidias et Praxileles n'y eussent trouvé à redire. Mais pour couvrir la partie secrète, il avoit ung floccard de lyerre ceinct au dessus de ses hanches, et faisant proprement l'effect pourquoy il y fut applicqué. En ses deux mains il lenoit ung grant mast de navire, garny de hune et d'un grant voille de tafetas rayé d'argent, dont la lueur estoit bien fort plaisante. A sa dextre y avoit ung Castor argenté, et à sa senestre ung Pollux tout noir, plus grans que le naturel, et toutesfois semblans petitz auprès de sa grant corpulence. Le Castor tenoit en l'une de ses mains une grande estoille noire, et le Pollux une d'argent, pour designer l'immortalité ou renouvellement de vye; et aux deux autres, tenoyent chascun son ancre, signiffiant asseurance en navigacion. Dedens quatre niches faictes exprès, assavoir deux dc chascun costé contre la principalle face de cest arc et